اضحك بسرعة

التمتام

قال ليك هدا واحد الراجل أعمى كان غادي فطريق هوا يجي عندو واحد دري{طفل} تمتام بغا يوريه الطريق وصلوا لواحد الحفرة هوا يقول ليه الدري ححححححححححححححح حفرة أهما يطيحو لأعمى قال لمرة الجاية غي يقول حححححححح نقفز أهوا يقول ليه الدري حححححححححح أهوا يقفز أهوا يدخل فحيط
الزور

..عدول جاءت عندو امراة وراجل باش يعقد عليهم قال ليها شنو الإسم ديالك قالت ليه جميلة مني شاف فيها لقاها قبيحة وهو يلوح ليهم الوثائق وقال للشهود : سيرو بحالكم راكم غادين تشهدوا الزور
انتحار

واحد مشى عند آخر وقال ليه تشهد لي زور وتاخد عشرلاف بلا فلان سلفتو مليون ومردهاش لي. صافي ؟ وهو يقول ليه على باقي مردهاش ليك تنكٌوليك أصاحبي مبقيش تسلفو.. هداك راه جرارة

الكليان
غبي تيتفرج في التلفزة وشاف واحد نقز من فوق عمارة عالية ومربوط بحبل وقال والله هذه تاساهلة .. اختار عمارة علوها 30مترواشترى حبل طوله 26مترطلع فوق العمارة وتلاح ..مني هبط راسو تغرس في الأرض ..الناس ﮔ اع قالو ولد فلان انتحر..في التحقيق ديال البوليس سولو الدرو ﮔ ري:شحال بعتي ليه من متر؟قال ليهم هو طلب لي 26متر ولكن مني باه صاحبي زدتو 4 مترومن عندي فابور..

بوبريص

التمساح جاب الربيع فرشو باش ينعس..نسى شي حاجة مشى يجيبها ..القرد حاضيه..خلاه مشى وهو يرمي ليه الربيع في الواد داه التيار..مني رجع ملقا والو.. هز عينيه للفوق وهو يشوف القرد سولو : ماشفتيش شكون هز لي الربيع القرد..وهو يقول ليه بالعمى ماشفتو أبوبريص


واحد قال لصاحبه: مشيت للحمام وهو يدخل لي الماء لودني.. قال ليه: ذخل ليها الضوء وكريها..


واحد جاه الوجع مشى عند الطبيب .. قال ليه شنو كليتي؟ قال ليه بيمو ديال الدجاج.. ضامات ديال البنة ماجي أو كنور..


قطة دايزة لقات قط تينبح تعجبات وقال ليه وتامالك تلفتي الله تبقي الستر ؟ قال ليها :أ مكيف..أوكاعي فيها شي حاجة..


شنو الفرق بين الحولي الجاهل والحولي المتعلم؟

الحولي الجاهل تيقول ماااء

والحولي المتعلم تيقول H2o


واحد قالو ليه مني تاكل سمي الله راه الشيطان تياكل معاك ناض دار السم في الماكلة



علاش الخباز الا خواني تيحيد المكٌانة من يده مني تيبغي يعجن ؟ باش يمنع اختلاط الدقيق بالدقيقة


الدار الي فيها الأحول فيها البركة.. حيتاش تيشوف جوج من الحاجة .. هههههههههه


أحول ضرب راسو مع الحيط قال : آآح أمي رجلي..


قزم طاح من الطابق العاشر تعلق في التروتوار الرصيف..


واحد كال أوأكل صابونة .. بغى يغسل مصارنو..


مكلخ بغاو يعدبوه عطاوه ورقة مكتوب عليها من الوجهين إقلب الصفحة..